ازاى تخس من غير ما تحس؟!
عاوز تخس من غير تعب أو بمعني أخر
عاوز تخس من غير دايت ولا رياضة وكمان تخس من غير رجيم و يكون عندك جسم صحى !؟ أو بمعني أخر عاوز تخس من غير ما تحس ؟
في حقيقة الأمر يبحث الجميع عن طرق يمكن من خلالها فقد بعض الكيلو جرامات من الوزن للحصول علي جسم أكثر رشاقة وحتى تستطيع أن تستعيد جزء من حيويتك ونشاطك وثقتك في نفسك وتحسين مظهرك إذا كنت تشعر بأن الجسم الزائد يسبب لك حرجا .
ينفق الكثير من الرجال والنساء علي حدا سواء مبالغ طائلة لفقد بعض الكيلوجرامات من الوزن الزائد سواء عن طريق الجراحة أو الشفط أو عن طريق تناول الأدوية أو حتي عن طريق بعض العقاقير لسد الشهية وذلك حتي تستطيع ممارسة مهام عملك أو حتي ممارسة حياتك اليوميه بصورة طبيعية وحتي يتثنى لك الظهور بصورة أفضل أمام الجميع.
وجاءت الإحصاءات العالمية المحدثة عن ممن يعانون من الوزن الزائد أو السمنه المفرطة حول العالم لتشير مدي أنتشار المشكلة في جميع بلدان العالم كما تشير التقارير الإحصائية أن البشر ينفقون مليارات الدولارات علي السمنة.
حيث وجد أن عدد ممن هم يعانون من الوزن الزائد بلغ ما يقرب من ٢ مليار إنسان وتحديدا ( مليار و ٧٠٠ مليون إنسان حول العالم يعانون من الوزد الزائد ) وهو رقم كبير جدا مقارنة بعدد سكان العالم البالغ ال ٧ مليارات و ٨٠٠ مليون نسمة.
بينما أشارت الإحصائيات أن عدد ممن هم يعانون من السمنه المفرطة بلغ حوالي ال ٨٠٠ مليون أنسان حول العالم.
وللتغلب طبيعيا أن شاء الله علي مشاكل الوزن الزائد والحصول علي جسم أكثر تناسقا يرجي ببساطة إتباع النصائح العشر السحرية التالية .
هقولك علي عشر نصائح ذهبية لو أتبعناهم هتفرق جدا فى صحتك و شكل جسمك وكمان هتخس من غير تعب ولا مجهود و هتقدر تخس بسرعة وتخس كيلوجرام على الأقل كل يومين
طيب ايه هما العشر نصايح دول ؟؟
يلا بينا نبدأ: الكلام سهل وبسيط ومن غير مصطلحات كبيرة
1- المياه :
أول وأهم حاجة هى المياه (وجعلنا من الماء كل شئ حى ) المياه مهمة جدا للجسم والجلد والشعر وكمان بتحسسنا بالشبع أوقات كتير نحس إننا جعانين نشرب مياه نشبع فنشرب مياه كتيييييييييير .
2-السكر :
حاول تقلل السكر في مشروباتك اليومية وتبدله ببدائل صحية زى عسل النحل (العسل الأبيض) أو سكر الدايت لغاية ما تمنعه خالص وتلاقى نفسك بقيت تشرب المشروبات من غير سكر عادى ومتقبل طعمها كمان نقلل حلويات ونبدلها بالفاكهة.
3-الملح :
حاول كمان تقلل الملح فى الأكل ممكن نعوض ده بالتوابل والشطة ممكن كمان مخلل بس مش كتير لأن كل الأملاح بتتخزن مياه فى الجسم و تنفخ الجسم على الفاضى ويعمل ضغط.
4-الدهون :
الزيت والسمنة كمان لو قللناهم وبدلنا الحاجات المقلية بمشوية فى الفرن او نشوحها بمعلقة زيت زيتون هيفرق جدا فى وزننا وهنخس وهيقلل كوليسترول وصحتنا عموما هتبقا احسن.
5-طبق السلطة :
حاول تخلي طبق السلطة اساسى في وجبة الغداء حتى لو بتاكل رز وخضار مفيد جدا وكمان هيشبع هتلاقى نفسك ماكلتش كتير وشبعت.
6-المشروبات الحارقة للدهون :
نشرب مشروبات تعلى الحرق على مدار اليوم زى القرفة والزنجبيل والشاى الاخضر والينسون والشاى بليمون ومتنساش من غير سكر او ببدائل صحية(عسل او سكر دايت).
7-الحركة :
حاول تتحرك فى البيت يعنى بلاش انتخة اطلع السلم بدل الاسانسير اركن العربية واتمشى لو المشوار قريب .
8-استبدال وجبة العشاء :
حاول متتعشاش استبدل وجبة العشا بكوب زبادى عليه عصرة ليمون وممكن ثمرة فاكهة وحاول يكون كل ده قبل النوم بساعتين.
9-النوم بدرى :
غير ان النوم بدرى ليه فوايد كتير جدا كمان هيخليك متاكلش بليل وتنام والاكل يتخزن فى الجسم.
10-الفاست فود والمشروبات الغازية والسناكس :
حاول تقلل الكلام ده كله يعنى ممكن تخليه مرة فى الأسبوع
وبكده أكون قولتلك بإيجاز على شوية حاجات بسيطة نعملها هتساعدنا اننا نخس ونخلى شكل جسمنا وصحتنا أحسن ونخسر من 5 إلى 10 كيلو في وقت قليل .
إقرأ أيضا :